लाफा इन्भेस्टमेन्ट लि. ले अभिमुखीकरण तथा बजार बिस्तार योजना अनुसार कुवेतमा पनि भेटघाट तथा अन्तर्क्रिया कार्यक्रम सम्पन्न गरयो I ०१ डिसेम्बर, २०१७ को दिन फर्वानिया स्थित अल हाईतम रेस्टुरेन्ट मा भएको कार्यक्रममा कुवेतवासी मगरहरुको उल्लेख्य उपस्थिति रहेको र गानी गर्न अत्यन्त उत्सुक देखिन्थे I
मगर संघ कुवेत का अध्यक्ष मित्र सिंजाली मगरको सभापतित्व रहेको कार्यक्रमलाई तीन चरणमा क्रमसः पूर्व महसचिव जय आले मगर, महासचिव धन थापा मगर र द्वितीय उपाध्यक्ष बसन्त थापा मगर ले संचालन गरेका थिए I जय आलेको स्वागत मन्तब्यबाट शुरु भएको कार्यक्रममा प्रथम उपाध्यक्ष मनू भुजेल मगर, महिला उपाध्यक्ष मधू मगर, सल्लाहकार कुमार लुंगेली मगर, सल्लाहकार हिरा दर्लामी मगर, सदस्य कृष्ण पुन मगर, सदस्य जंगा घर्ती मगर, लालीगुराँस सांस्कृतिक परिवार का अध्यक्ष माधव पौडेल, तमू समाज कुवेतका पूर्व अध्यक्ष अमर गुरुङले आफ्नो मन्तव्य राखेका थिए I
प्रमुख अतिथि कम्पनीका अध्यक्ष चन्द्र ज्योति आले मगरलाई मगर संघ कुवेत को तर्फबाट दोसल्ला ओढाई मायाको चिनोले सम्मान गरिएको थियो I उक्त अवसर मा अध्यक्ष आलेले लाफा इन्भेस्टमेन्ट लि. को परिचय तथा अवधारणा प्रस्तुत गर्नु का साथै सहभागीहरुले राखेका जिज्ञासाहरुको उत्तर दिनु भएको थियो I कुवेतवासी मगरहरु लगानी गर्न अत्यन्त उत्साहित रहेकाले संयोजन गर्न को लागि प्रथम उपाध्यक्ष मनू भुजेल मगरलाई सर्वसम्मत संयोजक तोकिएको छ I
जलपान तथा भोजनको समेत व्यवस्था गरिएको कार्यक्रममा कुवेत का कलाकारहरु मधू रेश्मी मगर, जंगा घर्ती मगर, सपना थापा मगर, देवी आले मगर लगायत ले लोकदोहोरी तथा पंचेबजा गीत गाएर सबैलाई मनोरञ्जन दिलाएका थिए I अन्तमा सभापति मित्र सिंजाली मगरले लगानी को लागि सबैलाई आव्हान गर्नुका साथै सहयोग को लागि धन्यवाद दिंदै कार्यक्रम समापन गर्नु भयो I
